Um colega comentou-me o outro dia que existe um pseudo-partido que se auto-denomina Partido Galeguista, e falou-me de algumas peculiaridades do seu funcionamento, composição e ideário. Algo ouvira falar do obscuro grupúsculo que conforma este ente, e da sua pretensão de recuperarem (para si) as siglas do Partido Galeguista.
E seica o conseguírom e andam por aí criando páginas web, encarregando a composição de hinos charangueiros (escuitar sob esta linha) ou juntando-se com filo-nazistas. Parabéns.
Os primeiros, o PG este, quedam definidos de por si ao se juntarem com os indivíduos de IG. Ilustrarei a minha afirmação com brevidade. Nada mais entrar na web de IG vejo o seu logo que, se bem deriva de um símbolo que nas formas pétreas da Galiza existe, asemelha-se suspeitosamente com uma esvástica. In dúbita pro reo, assim que ignoro o detalhinho. A seguir o lema da página, “Galegos sen complexos”, e a fotografia de uma águia que, para além de quanto puider simbolizar (agresividade, fúria, ataque…), torce a cabeça cara à esquerda como a de Franco… Parece bastante casualidade, mas procuro dados, informação, algo que me dê argumentos de peso para suspeitar das ‘nobres’ intenções deste grupo que se auto-denomina não ‘nacionalista’ ou ‘regionalista’, mas ‘identitário’. E atopo, abofé se atopo!
Com o galho do 25 de julho…
“Desde IDENTIDADE GALEGA, queremos facer un chamamento a todos os galegos e galegas neste día grande, día da patria galega, día do patrón de Galicia e das Españas o Señor Santiago, para reafirmar o noso sentimento de amor cara à nosa Terra e tomar conciencia de Pobo”.
Sobre o facto de porem o seu manifesto em castelhano…
¿Porqué en castelan? O motivo de “colgar” o Manifesto en castelan o español, como prefiramos , é sinxelo: consideramos de interés para todas as forzas identitarias, nacionalistas e rexionalistas de España este manifesto, e consideramos que o Manifesto e asumible e debatible por calquera partido español o europeo. As que para que ós no galegos teñana acceso o texto preferimos a sua publicación en castelan. Doutra banda non temos nada en contra do castelan ni dos galegos castelan-falantes.
Alguns dos eixos polos aque aposta IG…
-Por unha sociedade basada na comunidade popular contruida sobre os pilares da familia-tradición. A sociedade moderna está disgregada.(…) A palabra “sociedade”, xa non é máis que un eufemismo para referirse a un conxunto heteroxeneo de individuos unidos só polo mero interese común. (…)
Por todo ello, Identidade Galega, defende a comunidade popular (…). A comunidade popular, ó contrario que a “sociedade”, é homoxénea e orgánica.(…) homoxénea en tanto que se compoñe de xentes unidas (…) por unhos lazos forxados por milenios de historia, tradicións e herencia comunes (…) E é orgánica porque non se fundamenta nunha unión artificial, senon nos lazos de herencia e tradición comúns (…)
(…) Á familia, lle sigue en ordén orgánico, o clan ou a vecindade, que agrupa a varias familias por afinidade, ó clan, o pobo ou a cidade, a este a rexión, e finalmente a comunidade nacional-popular, organismo que engloba como anels concéntricos a todos os anteriores; pero na base de todas estas agrupacións, atopamos a herdanza común como nexo fundamental de unión. Un pasado común, que permite afrontar un destino común.
Bom, ante isto (e mais, porque, lamentavelmente, há mais), um apenas pode perguntar: quem vos passa a erva, meus? Eu passo de definir-vos, porque já vos definides vós próprios. O de ‘sem complexos’ dá-me a risa, mais que nada à vista das vossas ideias e do vosso agir quotidiano.
E se esse Partido Galeguista (v)os acolheu no seu seio, enfim, suponho que quedará avondo (des)qualificado. Não serei eu quem (v)os julgue pola prostituição do autêntico PG, um dos símbolos da nossa história política, mas os galegos e as galegas. Sem complexos.